Pop-up utstilling: Museet som ikkje blei bygga

I 1994 teikna arkitekt Sverre Fehn skisser til det som skulle bli Norsk Vassdragsmuseum på Sand i Suldal. Museet skulle løfta fram vassdragskulturen og vasskrafta si rolle i utviklinga av lokalsamfunnet. Prosjektet fekk brei merksemd og var tenkt som eit landemerke for både Suldal, vasskrafta og for norsk arkitekturhistorie. Likevel blei planane aldri realiserte.

Museet som ikkje blei bygga vil gjera teikningar, idear, visjonar frå prosjektet Norsk vassdragsmuseum, tilgjengeleg for både nye generasjonar og for dei som ein gong var med. Utstillinga er ein invitasjon til å reflektera over arkitekturen sin rolle i distriktsutvikling og korleis me forstår og formidlar historie, kunst og identitet no og i framtida.