Foredrag: Utvandrarane – ei reise i norsk emigrasjonshistorie Aurland bibliotek

 Tysdag 30. september kl. 18:00

Foredrag: Utvandrarane – ei reise i norsk emigrasjonshistorie
Aurland bibliotek

I samband med utvandrarjubileet 2025 og årets tema for Kulturverndagane «I dei store straumdraga – norsk utvandringshistorie» inviterer me til foredrag med forfattar og arkeolog Svein Indrelid på Aurland bibliotek.

Indrelid vil ta oss med på ei historisk reise om nordmenn som utvandra til Amerika og andre delar av verda, basert på boka Utvandrerne, som kom ut hausten 2024. Gjennom levande forteljingar og spanande døme får me høyre om livsvala, håpa og kampane til dei mange som valde å bryte opp frå heimbygdene og søkje ei ny framtid over havet.

Svein Indrelid er professor emeritus i arkeologi ved Universitetet i Bergen og ein anerkjend forfattar og bygdehistorikar med lokal tilknyting til Flåm og Aurland.

Biblioteket vil i perioden rundt arrangementet ha ei lita utstilling om utvandring.

Arrangementet er gratis og ope for alle. Velkomen!