MIN kulturverndag. HEIM – utvikling, utvandring, utveksling

Sunnhordland museum

Arrangør: Sunnhordland museum, Ung husflid, Stord Husflidslag og HVL, kunst og handverk

Sted: Sunnhordlandstunet

Tid: 6. september 12:00 - 16:00

Universelt utformet: Nei

MIN Kulturverndag
HEIM– Utvikling, utvandring, utveksling
I anledning Kulturverndagane 2025 arrangerer Sunnhordland museum for andre år på rad MIN kulturverndag – Mangfald og Inkludering i Nærmiljøet. Me ynskjer særleg barn, unge og vaksne med minoritetsbakgrunn velkommen. Arrangementet er gratis og ope for alle.
Me inviterer små og store «heim» til husa og bygningane på Sunnhordlandstunet, kor me stillar oss spørsmålet «Kva vil det seie å vere heime?».

Med temaet «HEIM – Utvikling, utvandring, utveksling» utforskar me identitet gjennom kulturarv, handverk, tradisjonar og natur.

Museet samarbeider med Ung husflid, Stord Husflidslag, Kunst og handverk-linja ved HVL og Stord Vaksenopplæring om dette arrangementet. Saman ynskjer me å stimulere til kunnskapsutveksling om byggetradisjonar, mattradisjonar og handverkstradisjonar.

Utstillingar, demonstrasjonar, spikking, bygging og konstruksjon av modellar av grindbygg og laft, kaseinmåling på gjenbruksmøblar i tre, baking av ulike brød, samt hekling og veving av band, er noko av det som vil stå på programmet.

Under dette arrangementet ynskjer me at ulike kulturar skal møtast til dialog rundt bål og baking ute på tunet, og gjennom samarbeid og utveksling av kunnskap om reiskap, teknikkar og naturmaterialar i verkstadane i dei ulike «heimane».

Under arrangementet ynskjer me å setje fokus på tradisjonar frå ulike kulturar som ein ser spor av i heimane her i Sunnhordland. Me har mange tilflyttarar til dei åtte kommunane som Sunnhordland museum er eit regionsmuseum for, og saman har me erfaringar og kunnskap om ulike byggjeteknikkar, mattradisjonar, måleteknikkar, handverksteknikkar i tekstil og tre, knytt til det å bygge og skape ein heim.

Aktivitetane legg vekt på det relasjonelle gjennom dialog; Kven er DU, kven er EG og kven er ME?

Gjennom samtalar kan museet og dei frivillige saman med deltakarane utveksla forteljingar og få innsyn i kvarandre sine kulturar, noko som kan skape både nettverk og forbindelsar mellom ulike grupper representert i lokalmiljøet.

Hovedarrangør

Sunnhordland museum.

Kontaktperson: formidlingsleiar Charlotte Tvedte

Medarrangører

Ung husflid, Stord. Kontaktperson Johanne Langeland

Stord husflidslag, Stord. Kontaktperson Vigdis Vatna

Høgskulen på Vestlandet, Grunnskulelærarutdanninga/ kunst og handverk, campus Stord. Kontaktperson Kathrine Huglen

Stord vaksenopplæring/ opplæring i norsk og samfunnsfag for ulike innvandrargrupper. Kontaktperson Kari Svanberg

Kontakt

Navn: Sunnhordland museum

Organisasjonen kontaktpersonen representerer: Sunnhordland museum

Telefon: 53413899

E-post adresse: post@sunnhordland.museum.no