Opning av kulturvernfestivalen for indre Vestland, omvising og boklansering

Veneforeininga Jebsahusets vener har i fleire år no nytta det historiske Jebsahuset frå 1883 til å formidle histore og lage til kulturarrangement. I år er me valt til å opne kulturarvfestivalen for indre Vestland. Ordførar i Vaksdal Hege Eide Vik opnar arrangementet. Det vil bli føredrag om Jebsahuset og kultur/industrihistorie. Det vert og biletframvising av historiske bilete og boklansering av ei ny bok om konsul Peter Jebsen, Dale fabrikker og Jebsahuset. Ungdomssskuleelevar står for matserveringa. Det vil bli omvising i huset med kart over historiske rom frå starten av 1900-talet.