På sporet av Osbanen

Gjennom Kulturminnedagane 2024 skal vi auke fokuset på Nesttun-Osbanen, som regel kalla Osbana, og  formidle kor viktig denne jarnbana var for utviklinga og kommunikasjonslina mellom Os og Fana/Bergen.

Kvar månad i 2024 blir det presentert Osbanedrypp, små kuriositetar og bilete, i lokalmedia i Bjørnafjorden og Fana.

Torsdag 29. august –kl. 19 blir det foredrag med forfattar Per Ivar Tautra i regi av Os sogelag på Bjørnafjorden houvdbibliotek. Tautra har blant anna skrive boka Fremskrittet som åpnet bygdene : Nesttun-Osbanen: en attraksjon som ble borte.

Laurdag 31. august opnar ei ustilling med fotografi frå Osbana i Fana kulturhus.

Søndag 1. september er det nøyaktig 89 år sidan det sist toget gjekk på bana. Det blir vandring med Erlend Garåsen frå prosjektet «Skinnelangs» frå Stend stasjon til Kalandseid stasjon, buss frå Kaland til Bergstø, vandring frå Bergstø til Hetleflåttre, og buss til Os stasjon.

Stend stasjon er ope frå kl. 11.

Vandringa startar kl. 11.30 frå Stend stasjon.

Avduking av blåskilt på Os stasjon ved ankomst.

Foredrag med Erlend Garåsen i Vognhallen etter avdukinga av blåskiltet.

Utstilling av modelltog med damplokomotiv i Vognhallen.

Utstilling av veteranbilar og den gamle brannbilen til Osbygda på stasjonsområdet til Os stasjon.

Utstilling av fotografi og lerret i Vognhallen. Det vil og bli vist ein kort film sett saman av klipp som viser toga på Osbana. Denne vil gå i loop og være synleg frå utsida under Kulturminnedagane.

Torsdag 5. september – arrangement i Fana kulturhus.