Pilegrimsvandring Sankt Jetmund kyrkje og Dragseidet

Vi inviterer til ei pilegrimsvandring langs den gamle ferdselsvegen over Dragseidet mellom Leikanger og Drage på Stadlandet.

Turen startar med ei gudsteneste i den gamle steinkyrkja frå 1100-talet, Sankt Jetmund Kyrkje på Åheim. Herfrå køyrer vi i privatbilar til Leikanger kyrkje, der det blir omvising og kaffi før turen på ca 5 km over eidet til Drage. På toppen av eidet stoppar vi med steinkrossen som markerer staden der Olav Tryggvason kristna fire fylke i 997. På Drage blir vi henta med buss som køyrer oss tilbake til Leikanger. Bussen kostar 80 kr, elles er arrangementet gratis. Ta med gode sko og niste.

Program:
09.45: Gudsteneste i Sankt Jetmund kyrkje på Åheim
10.45: Privatbilar til Leikanger kyrkje
11.30: Omvising og kaffi i Leianger kyrkje
12.30: Vandring over Dragseidet
14.00: Buss frå Drage til Leikanger

Vi vil fokusere på temaet «Kulturarv i fare» gjennom å fortelje om Sankt Jetmund kyrkje som vart riven på slutten av 1800-talet og seinare gjenoppbygd, kulturlandskapet på Stadlandet og bruken av gamle ferdselsvegar.