Rodagar av tradisjonelle sognebåtar

ISK skal arrangere rodagar. Gjennom desse rodagane vil me vere tilstades på fleire av basane våre der me tilbyr roing for spesielt born og unge, men også for vaksne. Me vil invitere breitt, og spesielt via innvandrarrådet og lokale asylmottak i kommunane, der me kan ordne transport, slik at det blir opent og gratis for alle som ynskjer å delta.

Me vil tilby enkel servering, og gi undervisning på korleis ein skal ro og kva som er viktig å tenke på for å få rett teknikk. Roknappen er eit sertifikat ein kan få ved å gjennomføre seks enkle øvingar der det blir delt ut diplom til alle som gjennomfører øvingane.

Me har både færingar og ein æring, som gjer at både born og unge kan få meistring ved å ro, sjølv om ein aldri har prøvd det før.