Tur til dei gamle hustuftene i Gudmedalen

Bli med på ei unik moglegheit til å oppleve Gudmedalen saman med arkeolog Svein Indrelid, som fortel om utgravingane frå 1978 og historia bak dei gamle hustuftene frå eldre jernalder.

Svein Indrelid, oppvaksen på garden Indreli i Flåm og tidlegare professor i arkeologi ved Universitetet i Bergen, har leia utgravingane av tuftene i Gudmedalen og skrive fleire bøker, mellom anna bygdebøkene for Flåm.

Tuftene er datert til den seinare delen av eldre jernalder, frå 200-talet til omkring år 500. Ein meiner at ein har funne til saman 14 tufter. Alle tuftene er laga på same måten. Dei fleste er meir enn 6 m lange, den lengste er 17 m. Dei fleste tuftene har to rom, eit indre med spor etter eldstad midt på golvet, ei åre, slik me kjenner det frå dei gamle årestovene. Veggene har vore av tre og mest truleg bygde som grindbygg. (Kjelde: Svein Indrelid 2003, Aurland bygdebok – Soga om Flåm, Band 1: Bygdi, s. 37.)

Me tek buss opp til fjøsen over Ryo. Herifrå går me opp til tuftene i Gudmedalen. Kultur på fatet serverar varm betasuppe og noko å bite i til kaffien.

Ta med: kald drikke og kaffi på termos.
Vanskelighetsgrad: lett tur.
Felles transport frå Flåm: Grunna lite parkering vert det sett opp buss til fjøsen over Ryo. Avgang frå parkeringsplassen ved Flåm kyrkje kl. 17.00. Bussturen kostar 150 kr.
Påmelding: Vipps 150 kr til Aurland Turlag, Vippsnr. #568546. Spørsmål kan sendast til Camilla Hansen (993 18 551) eller Kari Johnsen (976 64 401).
Påmeldingsfrist: måndag 1. september.
Arrangørar: Aurland Turlag, Kultur på fatet, Aurland kommune