Vestland Kulturvernnettverk

VERN I VEST: Meir enn 50.000 frivillige i over 250 lag og samlingar tar vare på kulturarven i Vestland fylke. Vi verner og fører vidare levande tradisjonar, immateriell kulturarv og fysiske kulturminner. Saman driftar vi båtar og tek vare på kystkultur, skapar husflid, restaurerer hus, skriv lokale årbøker, samlar minner, bidreg til arkeologiske funn, tek vare på mattradisjoner og mykje meir.

FELLES STEMME: Endeleg har det frivillige kulturvernet i Vestland eit regionalt nettverk slik som resten av kunst- og kulturlivet og idretten. Vi skal sette kulturarven på agendaen og vere ei felles røyst inn mot kommunar, fylket, muse, arkiv, reiseliv og politikk. Saman styrker vi rammevilkåra til det frivillige kulturvernet og blir eit korrektiv og støttespelar i utvikling av regional kulturpolitikk.

BLI MEDLEM: Den fyrste oppgåva i utviklinga er at alle lag, foreiningar og samlingar i det frivillige kulturvernet i Vestland fylke blir medlem i Vestland Kulturvernnettverk. Send namn på lag og lenke for nettstad til vestland@kulturvern.no. Kartet over syner fram laga vi har funne gjennom dialog med kommunane og registreringar i Frivilligregisteret. Ta kontakt om manglar.

GRATIS: Dette er eit nettverk, ikkje ein ny paraplyorganisasjon og det er gratis å vere med. Alle lag, organisasjonar og samlingar for frivillig kulturvern i Vestland fylke, også om laget/foreninga ikkje er medlem i ei nasjonalforening tilknytt til Kulturvernforbundet, skal vere med. 

SAMHALD: Medlemskapet gir ingen plikt, berre moglegheit for samarbeid og utvikling. Målet er at alle lag, foreiningar og samlingar i det frivillige kulturvernet i Vestland blir med. Vi ønskjer og uorganiserte lag og miljø velkommen med i nettverket.

UTVIKLING: Vestland kulturvernnettverk vart etablert i 2024 for å følgje opp den nye regionale kulturpolitikken. Riksantikvaren, Vestland fylke og staten forventar at vi står saman for å styrke det frivillige kulturvernet. Kulturvernforbundet har lagt til rette ved å ansette regionkoordinator for Vestland. 

KULTURKRETS: Vi har fått mange spørsmål om regionale kulturkretser som vart grunnlagd samme år som Vestland Kulturvernnettverk. Dette er to ulike organisasjonar. Vestland Kulturvernnettverk er eit nettverk med oppgåve å styrke det frivillige kulturvernets rolle for å verne og fører vidare levande tradisjonar, immateriell kulturarv og fysiske kulturminner. Kulturkretsene er eit kulturpolitisk samarbeidsforum for den frivillige kulturens saker på tvers av interesser og uttrykk, til dømes fjerning av moms på dugnad. Vestland Kulturvernnettverk sitt i interimstyret for Kulturkretsen i Vestland.

Ta gjerne kontakt for ønskjer og deling av utfordringar.

Styreleiar: Klaus Edler mob 98018145, epost: klaus-de@enivest.net

Regionkoordinator: Inger Christine Årstad mob: 92256277, epost: vestland@kulturvern.no

LENKE til lista over medlemmer. 

Vestland Kulturvernnettverk skal arbeide for å styrke det frivillige kulturvernet si rolle i Vestland fylke ved å:

1. auka kjennskapen til og interessa for historie og kulturarv
2. støtte arbeidet for dokumentasjon, bevaring, bruk og formidling av kulturarv
3. skape betre rammevilkårene for kulturvernet lokalt og regionalt
4. skape møteplassar og samarbeid 
5. vera høyringsinstans for det frivillige kulturvernet